كلام عجبنى

Hams's favorite quotes


"أجمل حب هو الذي نعثر عليه أثناء بحثنا عن شيء آخر"— أحلام مستغانمي

اجمل ما فى الحياه

اجمل ما فى الحياه

الساعه كام

كام واحد زارنى

السبت، 9 أكتوبر 2010

حبايبى الحلوين ....

عارفه انكوا زعلانين منى 
معلش فى موضوع شاغلنى اوى مش قادره اقرأ اى حاجه ولا حتى اعلق بلعب بس D:

الفتره اللى فاتت حصلى موضوع كبير اوى فى حياتى وانى كنت بحب شخص وخانى وادام عينى 

طبعا انا مش هقولكوا الموضوع  كان عامل ازاى ؟؟؟ 
ومش هقدر برضه اقولكوا ان انا نسيت الموضوع .. هبقى كدابه اوى
بس عزائى الوحيد ان انا كنت معاه باخلاقى .....كمان حبيته بجد 
علشان كده لما خدت قرار انى اسيبه خدته بسرعه ومن غير تردد 
وكمان من غير ما اتكلم معاه ولا نص كلمه 
هقول ايه يعنى لواحد خاين وكمان مش محترمنى 
الصمت ابلغ من الكلام فى الحالات ده 

حاليا فى موضوع مهم بس فى حياتى الشخصيه يعنى هقولكوا عليه بس لما يتظبط معايا

ادعولى
بالله عليكوا علشان انا قلقانه اوى 

هبقى شبه البت اللى فوق ده D:

هرجعلكوا قريب اوى .... انتظرووووووووووووووووونى
الأحد، 26 سبتمبر 2010
اعلنت العصيان والتمرد لان حياتى ليست لعبه يلهو بها من يشاء
ومشاعرى ليست فراغ لن يؤثر فيه لهوك وعبثك 


اعلنت العصيان على قلبى الملهوف على حبك فلا تستحق سوى الاحتقار

اعلنت العصيان والتمرد على ذكريات تؤلمنى

اعلنت العصيان وساظل اعلنه حتى اراك متلهف القلب من حب ياتى اليك فى صحراء العمر
ويعبث بك كحشائش الارض الباليه ويشتت انفاسك ويلقى بك مع نفس تتالم وذكرى لا تستطيع جمع شتاتها  
السبت، 18 سبتمبر 2010

الشك والحيره 

حاجتين دايما ملازمنى مش عارفه ليه 
ساعات بحس انى مريضه نفسيا.... 

انا زمان كنت اى حاجه اصدقها واتصدمت صدمه  كبيره اوى فى حد معين كده فى حياتى خلانى اشك فى كل اللى بيتقالى او كل اللى حواليا 
بس بصراحه عاده مضيقانى لانها ساعات بتسببلى قلق جامد فى حياتى وخاصة لما اكون بتكلم مع حد وبيحبنى اوى واحسسه انى شاكه فيه 

تفتكروا العاده ده بتروح ازاى انا عن نفسى زهقانه اوى من نفسى من الموضوع ده ؟؟؟

وبصراحه اكتر الدنيا بقى غريبه جدا  لدرجة ان الواحد يخاف يسلم كده بسهوله او على الاقل يصدق اللى حواليه
الاثنين، 13 سبتمبر 2010



حاجه غريبه اوى بتحصل اليومين دول 
كل الشباب اللى خاطب او عاوز يتجوز اول ما ييجى عند خطوة الجواز ده يستهبل فيها ويبدا فى عملية( الفرار الكبير )

يبدا يطلع بحجج غريبه كده ويطلع اى كلام يهمل بيه مشكله علشان يفلت 
لما انت مش اد الجواز بتتجوز ليه اصلا ؟؟؟ 

ولا انت فاكر ان ممكن تكون فى عروسه هديه على علب البيبسى ؟؟؟ والله ممكن 
ده خلاص بيقولوا ان عدد  البنات بقى اضعاف الشباب ممكن ييجى اليوم اللى ينزلونا هديه على مروحة سقف 

يالهوى .... للدرجادى مش عارفين يلاقوا حل فى الازمه ده ؟؟؟؟ 


بس كمان دلوقتى بقى فى مشكله تانيه ان الشباب او الرجاله بييجوا عند مرحلة انهم يشترواالعفش والبيت وتجهيزه ويبقى عاوز يفلت باى شكل.... ياترى بقى هيحلوها ازاى ده؟؟؟ 

المشكله يا ساده اصلا مش مشكلة شباب ولا مشكله بنات ولا اى حاجه من ده 

المشكله الحقيقه مشكلة اخلاق ... الراحل مش قادر يتحمل مسئوليه
اول ما يلاقى نفسه داخل على الخطوه الكبيره او ذى ما بيقولوا القفص الزوجى يفلت ويهرب لانه ببساطه مش هيقدر انه يتحمل مسئولية طفل او مسئولية بيت كامل 

لانه اصلا ومن الاساس مش متحمل مسئولية نفسه اصلا ولا متحمل حاجه خالص غير السيجاره اللى فى بوق سعادته 


العيب منين من الاهل والتربيه ولا العيب من الشباب والجيل اللى طالع ؟؟؟ 
ولا العيب على الدنيا كلها 


دمتم ونلتقى بعد الفاصل D:


الجمعة، 10 سبتمبر 2010


حبايبى الحلوين 

كان عندى مدونه تانيه بس بصراحه قولت اغير واعمل واحده جديده لان فى حاجات كتير نفسى اكتبها 
حياتنا كلها خربشات .. كلنا ساعات نخربش على ورقه على تربيزه على اى حاجه
بتطلع حاجه نفسنا فيها او حاجه فى خيالنا منعرفهاش

بس الخربشات ده هى شخصيتنا ... بصراحه انا هخربش شويه يمكن اطلع حاجات معرفهاش عن نفسى 


 اولا لازم نقول ::: 
احم ’’’’ احممممممممممم


كل سنه وانتوا طيبين 
عيد سعيد علينا كلنا 


مش عارفه مين هيشوف البوست ده بس اهو ادينى بعمل حاجه يمكن تتشاف 


نواصل بعد الفاصل D:

أحب اتــ ع ــــــرف

صورتي
خربشــــــــــــــــات
مخربشه ومنعكشه وعلى بعضى مكرمشه تطلع فى صوره او فى كلمه كويسه انتوا وحظكوا بقى
عرض الملف الشخصي الكامل الخاص بي

المتابعون

النهارده كام

نورتونى